من سنه گووه نديم ، سن بنوشه نه

بيليرسن،عزيزدير سئوه ن سئوه نه

اود دوتوب يانسامدا ، باغريندا يئنه

ايچيمده سيزيلتي، سينيردان آشير

هرنه دن يازيرام ، سندن دانيشير

سارماشيق ، گوللرين باغرين ائشنده

اينجه بنوشه لر بنده دوشنده

دوزومون ذيروه سين زامان دئشنده

اوره ييم كوره لير، گوز ياشيم داشير

هرنه دن يازيرام ، سندن دانيشير

آدامليق چاييندا، بوغولسادا، ايز

دوشونجه كدرله ، اولسا ديز به ديز

لیلله نمز! دالغاسی کوکره ین دنیز

 يالچين قايالاري ،ميلله نير ،داشير

هرنه دن يازيرام ، سندن دانيشير

خزره چئوريلير اوره ييم ، هردن

سئومه رم باشیندا، نه دومان نه چن

من سني اونودا بيلميرم نه دن؟

قوینونا کورپه تک قولوم ساریشیر

هرنه دن يازيرام ، سندن دانيشير...